Proxectos
-
ODiSeIA: educación, participación e mobilización para reducir o impacto das narrativas discriminatorias e anti Axenda 2030
ODiSeIA é un proxecto que combate a polarización e o odio en Galicia mediante as historias e as tecnoloxías dixitais, empoderando ás persoas migrantes e defensoras de dereitos. Combina Realidade Virtual e Intelixencia Artificial para xerar narrativas positivas, fomentar a participación cidadá e reforzar os Obxectivos de Desenvolvemento Sostible. Ademais, promove valores interculturais, formación en tecnoloxías innovadoras e a construción dunha sociedade máis xusta e inclusiva.
-
Dereito ao Hábitat Rural para a promoción dun modelo de hábitat rural sostible baseado en dereitos humanos, igualdade de xénero, promoción da cultura de paz, cidadanía global e valoración da diversidade cultural en 15 comunidades educativas do ámbito rural galego
O proxecto desenvólvese en 15 comunidades educativas pertencentes a territorios nos que se identifican certas vulneracións do dereito ao hábitat: perda de servizos básicos, escaseza de oportunidades, despoboamento... Ten como obxectivo que esas comunidades educativas do rural galego adquiran os coñecementos e as actitudes para promover un modelo de hábitat rural sostible baseado nos dereitos humanos, a igualdade de xénero, a promoción dunha cultura de paz, a cidadanía global e o aprecio da diversidade cultural.
-
Agra: un barrio de coidados. Fortalecidas capacidades para a defensa do Dereito ao Hábitat, no marco da axenda 2030-ODS, desde a participación social comunitaria e a perspectiva interseccional. Fase 3
Este proxecto, desenvolvido no barrio coruñés da Agra do Orzán, busca fortalecer as capacidades comunitarias mediante procesos de aprendizaxe colectiva e metodoloxías participativas, cun enfoque ecofeminista e antirracista. O seu obxectivo é fomentar a inclusión, a convivencia intercultural e a defensa do dereito a un hábitat digno, vinculando o local coas realidades do Sur global. Envolve centros educativos, entidades sociais e a Universidade da Coruña (UDC), coa participación directa duns 1.700 persoas.
-
Rede de Eco Hortas Escolares
O proxecto ten como meta promover unha comunidade educativa galega concienciada e participativa na construción de modelos alimentarios máis sustentables.Trabállase a partir dunha liña de acción focalizada na educación formal, dentro da Rede de Eco Hortas Escolares, na que participan 14 centros educativos.
-
Promover a co-responsabilidade e dotar de novas capacidades e ferramentas ao alumnado e profesorado
O proxecto céntrase en atacar a raíz destes discursos, fomentados por escasa alfabetización mediática e uso manipulativo de contidos dixitais por grupos extremistas. Na súa 4ª fase, actualizaranse datos sobre odio en institutos galegos, revisaranse metodoloxías educomunicativas interseccionais e antifascistas co apoio de Pura Quiteria, e aplicarase en 8 aulas de 3 centros. Participarán 200 estudantes en 24 obradoiros, nos que analizarán estereotipos e crearán materiais contradiscursivos en grupos reducidos con monitores.
-
Mellora da capacidade de reflexión crítica e de creación de produtos educomunicativos do alumnado
EpDLab celebra o seu décimo aniversario consolidado como unha comunidade educativa estable que conecta ensino, universidade e terceiro sector. O proxecto promove a Educación para o Desenvolvemento a través da comunicación dixital, o pensamento crítico e a participación social. Actúa en varios IES galegos, fortalecendo competencias dixitais, sensibilización ante a desigualdade e acción cidadá pola xustiza global. A súa metodoloxía fomenta o traballo en equipo, a reflexión crítica e a colaboración intersectorial.
-
Escolas sen racismo, Escolas para a paz e o desenvolvemento (ESR-EpD). PENSA!: Fortalecendo as actitudes e capacidades xeradoras de conciencia crítica asociadas a procesos de cambio persoal que aumenten o compromiso social de comunidades escolares, universitarias, da base social de ACPP Galicia e sociedade civil galega.
O proxecto Escolas Sen Racismo, Escolas para a Paz e o Desenvolvemento (ESR-EpD) constitúe unha aposta integral pola formación en Educación para o Desenvolvemento e a Paz de maneira transversal e permanente. Desde ACPP-Galicia entendese o ESR-EpD como un marco de actuación, unha forma de facer e de entender que require da participación de toda a comunidade educativa desde a educación infantil ata a universitaria, para acadar o propósito de crear unha sociedade máis xusta e solidaria.
-
Elas deciden: promover a equidade de xénero facilitando espazos de intercambio de experiencias e capacidades para aumentar o compromiso social e institucional coa equidade de xénero e a xustiza social.
“Elas Deciden” é un proxecto da Asemblea de Cooperación pola Paz (ACPP) desde 2020 que fortalece a colaboración entre movementos feministas do Sur e Norte Global. Busca identificar necesidades comúns e promover a igualdade de xénero mediante o intercambio de coñecementos e experiencias. A proposta actual céntrase en sensibilizar sobre o empoderamento das mulleres e visibilizar a súa labor nos territorios onde ACPP traballa. Ten compoñentes de incidencia social e política e fomenta redes entre organizacións de ambos hemisferios.
-
Campaña Mundial pola Educación 2026
O proxecto céntrase na sensibilización, a concienciación, a formación, a mobilización cidadá e a incidencia política. Estas accións seguen a orientación do movemento internacional Global Campaign for Education (GCE) e desenvólvense en coordinación coa coalición española da Campaña Mundial. O obxectivo central da Campaña Mundial pola Educación (CME) é esixir que se garanta o dereito humano á educación para todas as persoas e que os Estados cumpran os compromisos adquiridos tanto a nivel nacional como internacional.
-
Contribución á soberanía alimentaria peruana a través da mellora dos mecanismos de control e vixilancia dos recursos e dos produtos hidrobiolóxicos e o fortalecemento de capacidades técnicas e de gobernanza das mulleres e dos homes fiscalizadores de SANIPES e das administracións locais de Sechura
A intervención contribuirá a fortalecer as capacidades técnicas e de gobernanza das mulleres e homes fiscalizadores da Autoridade Nacional de Sanidade e Inocuidade en Pesca e Acuicultura (SANIPES) e das administracións locais de Sechura en materia hixiénico-sanitaria, requisitos de rastrexabilidade e seguridade alimentaria e nutricional dos recursos e produtos hidrobiolóxicos, aliñándose coa normativa europea e adaptándose ás necesidades do país a través do reforzo do papel dos fiscalizadores para promover a mellora das actuacións no marco das súas competencias e a implementación dun permis
- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »