Proxectos

Tras a sinatura en decembro de 2009 dun Convenio Marco de Colaboración asínase o primeiro protocolo adicional entre a FAHG e a AECID.
O protocolo permitirá continuar coa colaboración e a coordinación de resposta ante urxencias entre a FAHG e a AECID, tal e como se vén facendo nos últimos acontecementos que requiriron deste tipo de actuación.

O obxectivo do proxecto consiste en mellorar o nivel de saúde e diminuír a mortalidade da poboación infantil que reside nos campamentos de refuxiados saharauís en Tindouf, de forma específica na wilaya de Smara.
O proxecto ten como obxectivo contribuír a mellorar as condicións sanitarias da poboación refuxiada saharauí garantindo un bo funcionamento do hospital de Smara e dos dispensarios diseminados nas diferentes wilayas.

Debido á magnitude que vai alcanzando a catástrofe en Haití, o día 15 de xaneiro a AECID pon en marcha un novo operativo de axuda no que a Xunta de Galicia, a través da FAHG participa co envío de material médico sanitario (paquete IEHK'06 e un de acción inmediata) por valor de 10.500 €. Este material forma parte dunhas existencias que como fondo de urxencias a FAHG ten en Valencia grazas a un convenio asinado coa ONGD Farmamundi.

Os efectos do terremoto do 12 de xaneiro foron devastadores; atopados o 25 de xaneiro de 2010, 150.000 cadáveres, máis de 250.000 feridos, un millón de rapaces orfos e máis dun millar de persoas sen fogar, e é considerada unha das catástrofes naturais máis graves da historia.
Neste momentos, as necesidades máis urxentes a cubrir para os damnificados son a de comida e medicinas, tamén tendas de campaña e lonas para a construción de albergues, así como tamén a limpeza do terreo, os servizos médicos e os albergues de urxencia.