Novas de Cooperación Galega

A directora xeral de Cooperación Exterior presentou esta mañá o Plan Anual da Cooperación para 2007 ante os órganos de asesoramento e coordinación da cooperación galega. Destacou que tras o primeiro ano de xestión, o 2007 será un exercicio clave para a consolidación da cooperación galega. Referiuse á necesidade de apostar por unha formación que abarque todas as fases da educación formal e que forme a expertos na materia. A profesionalización do sector da cooperación, así como a busca de sinerxías cos sectores galegos con experiencia de valor para a cooperación, son algúns dos obxectivos deste plan anual

A directora xeral de Cooperación Exterior participou está mañá na presentación desta campaña de sensibilización das ONGDS  Solidariedade Internacional de Galicia e Solidariedade Galega.O obxectivo é que os escolares coñezan o terceiro Obxectivo de Desenvolvemento do  Milenio centrado en promover a igualdade entre os xéneros e a autonomía da muller.A edición do “Xornal da Igualdade” é unha das actividades que contempla este programa, no que tamén se inclúen charlas e obradoiros en vinte centros educativos das catro provincias.O proxecto conta cunha subvención do goberno galego, a través da Dirección Xeral de Cooperación Exterior, de 28.000 euros

A directora xeral de Cooperación Exterior participou esta mañá na presentación do documental  “Cabo Verde. Sabi. A muller e a terra, o home e o mar”.Sotelo destacou a importancia do apoio a este tipo de iniciativas que permiten dar visibilidade a situacións que doutro xeito quedarían silenciadas.No acto estiveron presentes a xefa de produción do documental, Natalia San José, o director de programas da CRTVG, Eduardo Galán, e o director de relacións externas da CRTVG, Pastor Lorenzo.O documental emitirase mañá sábado ás 15.40 horas pola canle autonómica

Emilio Pérez Touriño recibiu hoxe en Monte Pío ao vicepresidente da República Dominicana, Rafael Arburquerque. O mandatario galego expresa o seu interese por poñer en marcha canto antes o convenio que impulsará a cooperación co país americano en diversos campos . A Dirección Xeral de Cooperación prevé destinar 1.300.000 euros entre 2007 e 2008 á República Dominicana, un dos países prioritarios do Plan Director aprobado polo Parlamento. O presidente da Xunta acepta o convite do presidente do Estado caribeño, Leonel Fernández para visitar o país