Proxectos
-
FORTALECEMENTO INSTITUCIONAL MUNICIPAL E COMUNITARIO NO MARCO DO OXLAJUJ T´ZIQUIN
O fortalecemento á organización comunitaria de 17 comunidades e dunha asociación de pescadores nos municipios de Champerico e Retalhuleu consiste en incrementar as capacidades de homes, mulleres, novos para que poidan desenvolver propostas de desenvolvemento rural involucrando cada actor comunitario na determinación das súas necesidades prioritarias, as accións para solucionalas, a execución e a análise dos resultados e impactos.
-
COOPERHEMOS: PROMOCIÓN DA COMUNIDADE HEMOFÍLICA DE PERÚ
O proxecto centrarase no fortalecemento da sede central da Asociación Peruana de Hemofilia (situada en Lima) e a consolidación das filiais que están distribuídas polo país (Chiclayo, Arequipa e Piura).
De modo concreto tense como obxectivo incrementar a eficiencia na xestión organizativa da asociación, para ampliar o impacto nos seus programas de traballo. Así, o fortalecemento realizarase en dúas liñas de acción: -
ATENCIÓN Á NENEZ DO AGUSTINO NAS SÚAS NECESIDADES EDUCATIVAS E FORMATIVAS COMO PREVENCIÓN FRONTE Á DESATENCIÓN FAMILIAR E Á VIOLENCIA
O proxecto pretende contribuír ao desenvolvemento integral de nenas e nenos que viven nas zonas dos outeiros do distrito de El Agustino (Lima), mellorando a súa calidade de vida, a través do modelo de intervención das Casas del Niño, cunha estratexia de intervención comunitaria brindando deste xeito espazos diferentes para que as nenas e nenos poidan ter un lugar axeitado e en condicións para o desenvolvemento das actividades de apoio escolar e bo uso do seu tempo libre, o que os fai afastarse dos perigos que se presentan nas rúas, como a delincuencia, drogas, violencia, entre outr
-
UN POZO DE AUGA PARA NGOUYE. SENEGAL
O fin deste proxecto é dotar á comunidade de Ngouie de sistemas auto xestionados de auga potable consistentes nun pozo moderno cunha bomba eléctrica de 2.000 a 3.000 l/h e dun xerador eléctrico. O fin último é garantir á poboación local o acceso á auga potable e, na mesma orde, diminuír a incidencia de enfermidades diarreicas e da pel na poboación, mellorar o seu estado nutricional e as súas condicións hixiénicas, aliviar a carga de traballo das mulleres, os nenos e as nenas, elevando así o nivel de vida da poboación.
-
PROXECTO DE PROMOCIÓN DE TÉCNICAS DE AGRICULTURA SOSTIBLE PARA A SEGURIDADE E SOBERANÍA ALIMENTARIA DO DEPARTAMENTO DE SUCHITEPEQUEZ (GUATEMALA)
O proxecto pretende mellorar a calidade de vida de sete comunidades do municipio de Santo Domingo de Suchitepequez: La Lupita, Conrado de la Cruz, Monseñor Romeiro, Monte Gloria, Willy Wood, Santa Rita e Santa Cruz Laredo divulgando as técnicas agrícolas sostibles e soberanas.
Nesta iniciativa desenvolveranse tres compoñentes:
a) A formación de 30 promotoras agrícolas en 7 comunidades de Santo Domingo responsables de diseminar a súa aprendizaxe entre 8 veciñas/os da súa comunidade, apoiadas polas parcelas que cultivarán con técnicas sostibles. -
APOIO AO FORTALECEMENTO DO MEDIO ECONÓMICO DE 2.592 PERSOAS DO MUNICIPIO DE SAN ISIDRO LABRADOR, CHALATENANGO, NO SALVADOR A TRAVÉS DA INSERCIÓN LABORAL DOS/AS MOZOS/AS DO NÚCLEO FAMILIAR A TRAVÉS DA CONSTRUCIÓN DUN MERCADO COOPERATIVO
O proxecto pretende fomentar as oportunidades de saída profesional dos mozos do municipio de San Isidro Labrador. Con este fin, desenvólvense un módulo de capacitación de 20 mozos para perfís de construción (albanelaría, electricidade e fontanaría) enfocados a mozos/as en situación de risco e unha fase de construción dun mercado de exposición e venda de produtos locais, artesanais, agropecuarios e industriais e dinamizador para a poboación local como continuidade ao proxecto desenvolvido polo Banco Interamericano de Desenvolvemento na zona.
-
MELLORA DA CALIDADE EDUCATIVA CON PERTINENCIA CULTURAL E DE XÉNERO DA FORMACIÓN DO NENEZ E XUVENTUDE DO MUNICIPIO DE CHAMPERICO, RETALHULEU
Esta intervención enmárcase no Programa de Desenvolvemento Integral Oxlajuj Tz’ikin, financiado e executado pola Xunta de Galicia, 5 ONG galegas e 9 ONG guatemaltecas, en colaboración co Consello Microregional de Champerico. Pretende mellorar a calidade educativa con pertinencia cultural e de xénero da formación da nenez e xuventude do Municipio de Champerico, Retalhuleu mediante a creación de condicións axeitadas para que os/as alumnos/as poidan desempeñar da mellor forma posible o seu traballo escolar.
-
REDUCIÓN DA VULNERABILIDADE ALIMENTARIA E USO RACIONAL DOS RECURSOS NATURAIS NA MICRO-CUNCA DO RÍO LAURE. HONDURAS
Este proxecto pretende contribuír a diminuír a pobreza e a vulnerabilidade alimentaria das familias do sur de Honduras, promovendo un uso racional dos recursos naturais e sistemas sustentables de produción de alimentos.
-
FORTALECEMENTO DAS CAPACIDADES DAS COMUNIDADES DA MICROCUNCA DO RÍO SASLE PARA UNHA XESTIÓN SUSTENTABLE DOS RECURSOS NATURAIS, JINOTEGA, NICARAGUA, FASE III
Este proxecto constitúe a fase final dunha intervención que comezou en 2008.
-
PROMOCIÓN DA EDUCACIÓN AMBIENTAL COMUNITARIA PARA O MELLORAMENTO DA CALIDADE DE VIDA DA POBOACIÓN DA MICRO BACÍA SAN PEDRO, ALTOS DE FRÍAS-PIURA
Este proxecto pretende contribuír ao desenvolvemento integral da educación das comunidades do distrito de Frías. Para o que se articulará a escola pública coas familias e as asociacións locais, para xerar modelos de desenvolvemento acordes co medio dende a educación ambiental. A proposta abrangue o espazo xeográfico, ecolóxico e sociocultural da micro bacía de San Pedro.
- « primeira
- ‹ anterior
- …
- 90
- 91
- 92
- 93
- 94
- 95
- 96
- 97
- 98
- …
- seguinte ›
- última »