Proxectos

Promovida a calidade educativa para 3000 nenos e nenas, así como para a comunidade educativa, de 20 escolas públicas primarias rurais do Municipio de Momostenango.

O proxecto desenvolverase no Municipio de Momostenango, no departamento de Totonicapán, Guatemala. A pobreza no municipio é do 80% e atópase dentro dun dos tres departamentos máis vulnerables do país. É un municipio eminentemente rural con poboación indíxena Maya Quiché.
Oportunidades de formación vocacional e formación técnica con enfoque de xénero para poboación de barrios e comunidades marxinais en Nicaragua.

O obxectivo desta proposta consiste en garantir que 3.073 adolescentes e xóvenes (1.629 mulleres e 1.444 homes) de 12 centros educativos de Fe e Alegría en barrios e comunidades marxinais de 7 municipios do occidente e a capital de Nicaragua, accedan a unha orientación técnica vocacional (OTV) e unha formación técnica de calidade, baseada en criterios de equidade de xénero, que lles permita adquirir as ferramentas básicas que faciliten o seu paso á formación posterior e/ou ao mercado laboral.
Mellora das condicións de acceso a un hábitat domiciliar saudable da poboación máis vulnerable do departamento de Retalhuleu, Guatemala, con énfasis nas mulleres viuvas ou solteiras, a través dun proceso colaborativo entre comunidades, autoridades munici

Preséntase a terceira fase do proxecto B'an Chuinklal, que da continuidade á intervención no hábitat domiciliar saudable que a Xunta de Galicia ven apoiando dende o ano 2008, primeiro a través do Programa Integral Oxlajuj Tz'ikin e posteriormente a través dos proxectos presentados á convocatoria, por Arquitectura sin Fronteras nos anos 2015 e 2014.
Mellora das condicións técnicas e materiais para o aproveitamento responsable dos recursos ecoturístico, acuícolas, pesqueiros e medioambientais dos municipios de San Luís La Herradura e Tecoluca. Fase IV. El Salvador.

A presente acción expón unha fase IV, coa que se pretende dar continuidade aos procesos en desenvolvemento, así como apuntalar o impacto de aspectos relevantes de anteriores etapas, e que fagan posible xerar oportunidades ás familias beneficiarias e reforzar aos colectivos participantes. Desta forma, o proxecto pretende a mellora das condicións técnicas e materiais para o aproveitamento responsable dos recursos eco turístico, acuícolas, pesqueiros e ambientais dos Municipios de San Luís La Herradura e Tecoluca no Salvador.
Mellora da calidade educativa con pertinencia cultural e de xénero, para a garantía dos dereitos da nenez e a xuventude no Municipio de Champerico. Fase II. Guatemala.

O obxectivo do presente proxecto é mellorar a calidade educativa con pertinencia cultural e de xénero da formación da nenez e xuventude do Municipio de Champerico, Departamento de Retalhuleu (Costa Sur guatemalteca) mediante a creación de condicións adecuadas para que o estudantado poida desenvolver da mellor forma posible o seu traballo escolar. Constitúe a Fase II dun proxecto anteriormente financiado pola Xunta de Galicia na convocatoria de 2014.
Fortalecemento da intervención público-comunitaria na loita contra a violencia de xénero en Matola. Mozambique.

A través do presente proxecto (continuación da intervención “Mellorar o exercicio dos dereitos de saúde sexual e reprodutiva das/os mozas/os do distrito de Matola, (provincia de Maputo, Mozambique” financiado pola Xunta de Galicia na convocatoria de 2015), Médicos do Mundo (MdM) e os seus socios locais AJPJ e ACODEMU queren contribuír á creación dun sistema integral na defensa dos dereitos humanos das mulleres e as mozas, centrado especificamente na redución do número de casos de violencia de xénero (VdG) no Distrito de Matola.
Fortalecemento das capacidades locais e da participación comunitaria para mellorar o acceso ao dereito de auga potable e saneamento a través da xestión integrada do recurso hídrico, nos municipios da Mancomunidade NASMAR, Honduras. Fase III.

Nesta fase preténdese dar continuidade ás accións xa iniciadas, e solucionar debilidades identificadas no transcurso do programa, como son a sensibilización e capacitación en temas de calidade de auga, a necesidade de formación para o deseño de sistemas de abastecemento de auga e a perforación e construción de pozos para o abastecemento comunitario de auga, así como a introdución de ferramentas innovadoras de cartografía participativa.
Fortalecer a implantación do plan de redución da desnutrición de menores de 5 anos e mulleres embarazadas, en San Martín Sacatepéquez. Guatemala. Fase III.

O proxecto que se presenta forma parte dunha estratexia máis ampla, compartida polos actores da intervención, orientada a reducir a desnutrición de menores de 5 anos e mulleres embarazadas no Departamento de Quetzaltenango, complementando accións e esforzos institucionais e comunitarios. Constitúe a fase III dun proxecto anterior financiado pola Xunta en 2014 e 2015.
Convenio de colaboración entre a Axencia Española de Cooperación Internacional para o Desenvolvemento e as Comunidades Autónomas de Galicia, A Rioxa, Castela-A Mancha, Illas Baleares, Madrid e Estremadura para a programación conxunta en materia de Acción

O presente convenio ten por obxecto regular a colaboración das partes asinantes en materia de acción humanitaria e, de maneira específica, o establecemento das finalidades específicas da dita colaboración, así como os compromisos financeiros asumidos polas mesmas, para a consecución dos obxectivos do Convenio Marco de colaboración para a articulación, coordinación e complementariedade da cooperación descentralizada coa SGCID.
Cooperación Galega: O mundo que queremos

Cooperación Galega; o mundo que queremos é unha iniciativa dirixida a 5 centros de Educación Secundaria (500 alumno/as e 15 profesores/as), seleccionados entre aqueles que soliciten a presente proposta no marco do Plan Proxecta. Co profesorado e alumnado destinatario, afondarase nas desigualdade sociais existentes e as causas que as perpetúan con especial atención a realidade dos países empobrecidos nos que traballa a cooperación galega.

Formulario de busca

Formulario de busca

Promovida a calidade educativa para 3000 nenos e nenas, así como para a comunidade educativa, de 20 escolas públicas primarias rurais do Municipio de Momostenango.

Oportunidades de formación vocacional e formación técnica con enfoque de xénero para poboación de barrios e comunidades marxinais en Nicaragua.

Mellora das condicións de acceso a un hábitat domiciliar saudable da poboación máis vulnerable do departamento de Retalhuleu, Guatemala, con énfasis nas mulleres viuvas ou solteiras, a través dun proceso colaborativo entre comunidades, autoridades munici

Mellora das condicións técnicas e materiais para o aproveitamento responsable dos recursos ecoturístico, acuícolas, pesqueiros e medioambientais dos municipios de San Luís La Herradura e Tecoluca. Fase IV. El Salvador.

Mellora da calidade educativa con pertinencia cultural e de xénero, para a garantía dos dereitos da nenez e a xuventude no Municipio de Champerico. Fase II. Guatemala.

Fortalecemento da intervención público-comunitaria na loita contra a violencia de xénero en Matola. Mozambique.

Fortalecemento das capacidades locais e da participación comunitaria para mellorar o acceso ao dereito de auga potable e saneamento a través da xestión integrada do recurso hídrico, nos municipios da Mancomunidade NASMAR, Honduras. Fase III.

Fortalecer a implantación do plan de redución da desnutrición de menores de 5 anos e mulleres embarazadas, en San Martín Sacatepéquez. Guatemala. Fase III.

Convenio de colaboración entre a Axencia Española de Cooperación Internacional para o Desenvolvemento e as Comunidades Autónomas de Galicia, A Rioxa, Castela-A Mancha, Illas Baleares, Madrid e Estremadura para a programación conxunta en materia de Acción

Cooperación Galega: O mundo que queremos

A Cooperación Galega

Planificación e rendición de contas

Proxectos e avaliacións

Instrumentos de financiamento

Rexistro de axentes