Proxectos
Neste apartado teñen a súa disposición a información dos proxectos financiados pola Cooperación Galega.
Buscar proxectos en
-
Mitigación do impacto socioeconómico da crise provocada pola COVID 19 en familias dedicadas ao turismo rural comunitario e a artesanía téxtil na provincia de Quispicanchi, Cusco-Perú
O proxecto ten como obxectivo fomentar o dereito ao traballo e o dereito a unha alimentación adecuada de familias emprendedoras no ámbito téxtil da rexión de Cusco de forma resiliente despois da crise da Covid-19. Para iso realizarase un reforzo do turismo rural da zona, e fomentarase a mellora dos procedementos utilizados para a fabricación artesanal de produtos téxtiles ademais de reducir a vulnerabilidade alimentaria, económica e social que a crise da Covid produciu.
-
Empoderamento económico e exercicio de dereitos de mulleres rurais organizadas de Santa María de Pantasma, Nicaragua
O proxecto ten como finalidade contribuír ao empoderamento económico e ao exercicio dos dereitos sociais e políticos de mulleres rurais de Nicaragua desde o enfoque de xénero e agroecolóxico. Para iso, promóvense as prácticas igualitarias e equitativas e de loita contra a violencia de xénero no municipio por medio da sensibilización, ademais realízanse procesos de formación e medios de vida agrícolas e agroecolóxicos cun enfoque de xénero.
-
Acceso sustentable a auga potable e soberanía alimentaria para familias indíxenas Ch´orti´ priorizadas da Rexión VIII do municipio de Jocotán (Corredor Seco guatemalteco)
O proxecto enmárcase en dar solución a 3 dereitos fundamentais conculcados á poboación indíxena de Ch´orti´ da Rexión VIII do municipio de Jocotán, os cales son o dereito á auga potable mediante a construción de sistemas de captación e almacenamento de auga de choiva, o dereito á alimentación, promovendo o uso de técnicas agrícolas ecolóxicas na construción de hortos dirixidos a mulleres indíxenas, e o dereito á saúde, apoiando en Centro de Atención Permanente da comunidade e promovendo a vacinación e a adopción de medidas de seguridade contra a propagación do Covid-19.
-
Mellora do exercicio dos dereitos das mulleres co acceso á xustiza de xénero, a soberanía alimentaria e o empoderamento económico no Corpus e Namasigüe (Honduras)
O proxecto ten como obxectivo mellorar o acceso e exercicio dos dereitos das mulleres rurais coa participación social e política, o acceso á xustiza de xénero, a soberanía alimentaria, a nutrición saudable e o empoderamento económico nos municipios do Corpus e Namasigüe en Honduras.
-
Mellorar as capacidades técnicas, materiais e o posicionamento social do sector pesqueiro artesanal, e a súa cadea de valor, desde un enfoque sustentable e inclusivo. O Salvador
Este proxecto é a continuación dun Plan iniciado por Asemblea de Cooperación pola Paz e AGARESO que se inicia no 2007 dentro do sector pesqueiro salvadoreño.
-
Proxecto Q'AQ' IQ' (espírito vital) para garantir as condicións que permitan que a nenez e a mocidade de 10 escolas de educación primaria e 1 instituto de educación secundaria de Retalhuleu, Guatemala, volvan ás aulas e a unha contorna de aprendizaxe propicia que teña en conta a súa saúde e o seu benestar psicosocial, tras o peche dos centros educativos pola pandemia de COVID-19
O proxecto ten como obxectivo incidir na importancia da volta ás escolas dos mozos que, debido á pandemia da Covid-19, viron minguado o seu dereito fundamental á educación polo peche dos centros escolares. Ademais, dáselle importancia á saúde dos mozos, e ao seu estado psicosocial, favorecendo a volta ás clases ademais da creación de puntos de recollida de auga potable. Tamén se pretende crear unha campaña de sensibilización sobre a pandemia da Covid-19 e unha avaliación con enfoque de xénero.
-
Promover o acceso a un hábitat seguro e sustentable, e mellorar os mecanismos locais de defensa e protección dos DDHH e das mulleres que mitiguen os impactos da Covid-19 nas comunidades de Cubana, La Balsa e Olivares, municipio Ramón Santana, provincia San Pedro de Macorís, República Dominicana
Este proxecto ten como obxectivo mellorar as condicións de habitabilidade básica mediante a erradicación dos barracóns e vivendas precarias e a construción de tres bloques de vivendas con enfoque de xénero no batey Cubana e reforzar as capacidades comunitarias nos 3 bateyes para a defensa e protección dos dereitos dos seus habitantes, con especial atención á saúde sexual e reprodutiva de mulleres e nenas, á prevención de contaxios por COVID-19 e ao tratamento dos efectos psicosociais e psicoemocionais que está a provocar a pandemia.
-
Fortalecida a Rede de Saúde pública do Distrito Municipal nº 8 (Plan 3000), Santa Cruz de la Sierra (Bolivia)
O proxecto ten por obxectivo específico fortalecer o sistema público de saúde (Rede Este) do Municipio de Santa Cruz de la Sierra ante futuras situacións de emerxencia sanitaria, a través da mellora integral da atención en saúde primaria e preventiva en Bolivia.
-
Proxecto KLOB'L T'E YAB'IL (prevención da enfermidade) para garantir as condicións esenciais de resposta, en materia de gobernanza, hábitat (auga e saneamento) e hixiene, fronte á COVID19, cunha visión de recuperación e impacto a longo prazo, na Comunidade Mam Cajolá, formada por 267 familias indíxenas, na súa maioría nais solteiras e viúvas, do departamento de Retalhuleu, Guatemala
A presente intervención ten como obxectivo completar o acompañamento (desenvolto por outros proxectos cofinanciados pola Cooperación Galega) ás familias da etnia mam na mellora dos seus sistemas de gobernanza, xestión de riscos e planificación territorial, por ser estas as principais necesidades inmediatas na primeira fase de recolocación das familias, cuxa Comunidade é de recente creación.
-
Mulleres Rurais do Corredor Seco de Nicaragua, aumentan a produción e comercialización, ante os efectos do COVID-19 e o cambio climático
Este proxecto supón unha continuación da actividade desenvolta por Axuda en Acción e a Cooperación Galega no Corredor Seco de Nicaragua desde o ano 2018 en materia de empoderamento económico e social das mulleres das zonas rurais. Con todo, a presente intervención pretende compensar os efectos negativos da COVID-19 e do paso de Furacáns como ETA e IOTA, especialmente os que supuxeron un incremento da violencia de xénero e unha redución e deterioración dos medios de vida.
- « primeira
- ‹ anterior
- …
- 8
- 9
- 10
- 11
- 12
- 13
- 14
- 15
- 16
- …
- seguinte ›
- última »