Proxectos

O presente proxecto ten como obxectivo promover a soberanía alimentaria, a igualdade de xénero e os dereitos humanos na rexión este de Guinea Bissau, nun contexto con altos niveis de desigualdade de xénero, altas taxas de matrimonio infantil e unha das zonas máis afectadas polo fenómeno dos nenos talibés. A proposta dará continuidade a algunhas das actividades do proxecto “Mellora da oferta educativa e promoción da participación cidadá e dos dereitos da infancia na zona fronteiriza do NE de Guinea Bissau” financiado pola Xunta de Galicia.

Este proxecto supón a proposta de continuidade á fase-1 de proxecto “Empoderamento económico, social e político de mulleres guaraní da Autonomía Indíxena Charagua Iyambae”, implementado entre setembro de 2022 e decembro de 2023. Nesta II fase pretende aumentar a resiliencia e empoderamento das mulleres guaraní na Autonomía Indíxena Charagua Iyambae, Bolivia, mediante o exercicio efectivo dos seus dereitos económicos, políticos e sociais.

O presente proxecto ten como obxectivo xeral contribuír á redución da tolerancia social á vulneración dos dereitos das mulleres en contexto de PostCOVID-19 nos ámbitos da serra e selva da Rexión Junín en Perú. Para iso, busca fortalecer a participación cidadá de mulleres líderes, mulleres autoridades e adolescentes para o exercicio dos dereitos da muller e en especial ao seu dereito a unha vida sen violencia na escola e comunidade en dúas provincias da rexión de Junín, Huancayo e Chanchamayo.

Este proxecto está concibido como un proxecto máis amplo de 3 fases que terá como fin mellorar a dispoñibilidade de auga e a súa xestión sostible en Mozambique. O proxecto ten en conta aos titulares de obrigacións, tendo como socio local á ARASul, responsable da xestión do recurso hídrico na zona de intervención, e aos titulares de responsabilidades, tendo como socio local á asociación de campesiños UNAC, a máis importante do país e con gran presencia local na zona de estudo.