Proxectos

Neste apartado teñen a súa disposición a información dos proxectos financiados pola Cooperación Galega.

Buscar proxectos en

  • ASISTENCIA E ATENCIÓN BÁSICA DIARIA DE ANCIÁNS E ENFERMOS EN RISCO DE EXCLUSIÓN SOCIAL

    A parroquia do Espíritu Santo a través deste proxecto cobre as necesidades básicas das persoas máis vulnerables do barrio de La Habana Vieja. A través de entrevistas e visitas sociais individualizan e coñecen o caso de cada persoa e prestan axuda sen distinción de raza ou relixión, valoran comparativamente en equipo para ofrecer unha axuda axeitada á necesidade presentada. Contan cun total de 120 persoas na súa maioría anciáns, que regularmente reciben axuda directa dende a parroquia.

  • CONTRIBUIR AO TRANSPORTE DE LEITE DESNOTADO EN PO PARA O PROGRAMA DO PAÍS 10092.0 DO PMA EN GUATEMALA

    A FAHG e o PMA asinan unha carta de acordo mediante a cal a FAHG achega 40 toneladas de leite en po (cedidos á FAHG pola Consellería de Medio Rural) xunto cun desembolso metálico necesario para o transporte, e o PMA comprométese a transportar o alimento dende o porto de Vigo ata o porto de Santo Tomás de Castilla, en Guatemala, de conformidade coas normas e procedementos do PMA, levar a cabo a distribución, xestionar os fondos para a contribución achegados pola FAHG

  • CONSTRUCIÓN DO CENTRO INFANTIL ´´HEWAR´´

    Construción dun novo centro infantil no campo de refuxiados de Asker que sexa adecuado para lles proporcionar unha educación aos nenos e nenas, é ao mesmo tempo, un contorno propicio para que poidan aprender e xogar. Será o único centro que levará a cabo actividades durante todo o ano, co cal se evita que estes nenos e nenas teñan que xogar nas rúas
     

  • ENVIO DE 72 TN DE LEITE EN PO

    Os devastadores furacáns Gustav, Hanna e Ike deixaron unha estela de desolación en Cuba. Segundo as autoridades cubanas, só o furacán Gustav causou danos materiais por máis de 3 millóns de dólares. A causa desta situación, dende a FAHG acórdase doarlle 72 TN de leite en po (doada pola Consellería de Medio Rural) ao goberno cubano e págase o transporte dende Galicia ata Cuba. A dita doazón faixe a través da Empresa Executora de Donativos (EMED) adscrita ao Ministerio para a Inversión Económica e a colaboración Económica (MINVEC).
     

  • DOAZÓN DE LEITE EN PO

    Mediante un convenio de colaboración entre a FAHG e a Federación Nenos do Mundo a FAHG fixo unha achega de 231,425 toneladas de leite en po e de 56.000 euros para o transporte desta (ambos subministrados pola Consellería de Medio Rural). A FNM distribuíu este leite en po en diversos países: Guatemala 13,75 Ta, Perú 10,20 Ta, Bolivia 27 Ta, Chile 24,50 Ta e Sáhara 24,50 Ta. A FNM fixo unha identificación de cada entidade beneficiaria en cada país e obtivo os permisos precisos para a entrega e distribución da leite en po.

  • APOIO SANITARIO PARA DAR COBERTURA ÁS NECESIDADES SANITARIAS BÁSICAS DA POBOACIÓN VIVINDO EN CAMPOS DE PERSOAS DESPRAZADAS INTERNAS EN ESTADO DE SATURACIÓN

    Trala sinatura de unha carta de colaboración con Farmacéuticos Mundi, esta entidade expresa a situación de emerxencia na que se encontran 7.000 persoas internamente desprazadas en Kenia. Nas eleccións do 27 de decembro de 2007 o país súmese en un escenario de violencia extrema, provocando que numerosos grupos de persoas se viran obrigadas a abandonar os seus fogares e integrarse en campos de desprazados que foron montados en diferentes puntos no interior do país e próximos á zona de conflito.
     

  • FORTALECEMENTO DAS CAPACIDADES PARA A XESTIÓN DOS RISCOS DE DESASTRE, NAS COMUNIDADES SITAS NA CONCA DO RÍO SAMALÁ.

    Este proxecto oriéntase ao fortalecemento de condicións e capacidades para a prevención e atención de riscos a desastres, a través da formacións constante de líderes comunitarios, fortalecemento da organización e preparación de plans de urxencia comunitarios e municipais.

  • APOIO Á REHABILITACIÓN AGRÍCOLA E SOCIAL EN DÚAS COOPERATIVAS DO MUNICIPIO DE PALMA, PINAR DEL RÍO, AFECTADAS CO PASO DOS FURACÁNS GUSTAV E IKE EN CUBA

    As accións deste proxecto van dirixidas a apoiar a rehabilitación, tanto produtiva como social, de dúas cooperativas de produción agropecuaria dos municipios La Palma na provincia de Pinar del Río, seriamente afectadas tras o paso dos fortes e intensos furacáns Gustav e Ike nos meses de agosto e setembro de 2008.

  • MELLORA DOS ESTÁNDARES DE SEGURIDADE ALIMENTARIA DE 280 BENEFICIARIOS NOS ARREDORES DA CIDADE DE GAZA

    O proxecto para o que Asemblea de Cooperación pola Paz solicita a colaboración por parte da FAHG xorde despois de que a ofensiva militar israelí Plomo Fundido en decembro de 2008, supuxera a destrución de boa parte do sector agrícola gazatí, tal e como consta un estudo realizado en febreiro do presente entre a OCHA e diferentes ONG, entre elas ACPP e deixou o 88% da poboación en graves dificultades de acceso a alimentos básicos.

  • AXUDA DE EMERXENCIA A DESPRAZADOS INTERNOS SOMALÍES, DISTRIBUCIÓN DE ARTÍCULOS DOMÉSTICOS BÁSICOS.

    Mediante este proxecto, ACNUR cubrirá as necesidades domésticas básicas dos desprazados/as somalís en situación de urxencia nas rexións de Somalilandia, Puntalnadia e Rexión Sur Centro de Somalia. A asistencia de urxencia consistirá na subministración de artigos domésticos básicos tales como paquetes de artigos domésticos básicos, paquetes de hixiene de muller, xabóns, cubos e bidóns. Este proxecto apoiase a través da sinatura dunha addenda ao Convenio Marco asinado con ACNUR en 2008

A Cooperación Galega

Ver mais

Planificación e rendición de contas

Proxectos e avaliacións

Instrumentos de financiamento

Rexistro de axentes