Proxectos

A proposta trata de mellorar a estrutura de ACSUR en Galicia tras dous anos na comunidade autónoma co compromiso de afianzarse no eido das ONGD. Entre os retos da organización en Galicia está acadar maior presenza institucional e territorial, ampliar a base asociativa, difundir a mensaxe e unir esforzos en concretar un proxecto común, estable e duradeiro, para o que precisa apoio dunha persoa para fortalecer as áreas de traballo de sensibilización e educación ao desenvolvemento e garantir o crecemento natural da organización cunha maior presenza nas catro provincias.

Este proxecto busca trasladar á poboación galega a problemática e a desigualdade existente no acceso a medicamentos esenciais, que se sostén nunha tremenda desigualdade da que se pretende facer partícipe á sociedade galega, tratando de xerar conciencia crítica e favorecendo a mobilización social, fomentando o desenvolvemento de valores e actitudes persoais e colectivos e construíndo un coñecemento crítico da realidade e incidencia dirixido a diferentes sectores de Galicia, fundamentalmente aqueles onde o ámbito de influencia é maior: universitarias/os, estudantes de formación profesional, c

O proxecto pretende sensibilizar á sociedade galega en dous eidos: comercio xusto/consumo responsable e xénero, facendo especial fincapé nas mulleres do rural que aseguran grazas ao seu traballo a alimentación das familias ao seu cargo. Para iso, traballarase con mulleres organizadas de Galicia mediante obradoiros de formación. Destes contactos xurdirá a base para a celebración dunhas xornadas, onde xunto con mulleres do Sur se debaterá a problemática concreta das mulleres produtoras e a súa achega ao desenvolvemento dos pobos.

Este proxecto busca contribuír a un maior coñecemento e implicación entre o voluntariado, base social e a sociedade galega en xeral, sobre a realidade dos países do Sur, en particular sobre agricultura e alimentos, ofrecendo propostas de participación e mobilización concretas e favorecendo unha implicación na escaleira de compromiso social. Ademais, a campaña trata de integrar os contidos da educación para unha cidadanía global na práctica educativa de docentes e o seu alumnado en Galicia.