Proxectos

Este proxecto trata de sensibilizar á poboación galega sobre prácticas de consumo que promoven o desenvolvemento como ferramenta para axudar a acadar os obxectivos de desenvolvemento do milenio. Para elo deseñarase, elaborarase e difundirase unha campaña sobre prácticas de comercio xusto, banca e aforro ético e consumo responsable, a partir dunha preparación colectiva dos seus contidos con organizacións especializadas en cada sector, que dean como resultado unha serie de materiais escritos e audiovisuais que sexan a base de distintas accións de sensibilización con poboación galega.

Esta iniciativa céntrase na sensibilización sobre as desigualdades que ocorren nos países do Sur, especialmente aquelas que afectan a mulleres e nenas. Para isto, emprenderanse unha serie de accións educativas, de sensibilización e asociativas que abarcarán toda a sociedade galega, dándolle prioridade ás intervencións a desenvolver en poboacións dos municipios pequenos e/ou rurais.

En 12 anos de vida o Fogacosol pasou de 10 concellos iniciais aos 102 socios actuais, que representan  máis dun 70% da poboación galega. Pese a todo, a actual crise económica supón un desafío adicional para as entidades locais, con moitas competencias e poucos recursos, que poden encontrar maiores dificultades para explicar ás súas cidadanías a necesidade de continuar a traballar na cooperación para o desenvolvemento dos países que máis o precisan.

A sinatura dun acordo de colaboración entre a FAHG e Farmacéuticos Mundi ten por obxecto dar resposta inmediata e atender as necesidades máis urxentes das poboacións afectadas, con especial énfase nos colectivos máis vulnerables e paliar o sufrimento das poboación afectadas polas crises de longa duración e desequilibrios económicos crónicos e estruturais.