Proxectos
-
Mellora das condicións de acceso a un hábitat domiciliar saudable da poboación mais vulnerable do departamento de Retalhuleu, Guatemala, con énfase nas mulleres viúvas ou solteiras, a través dun proceso colaborativo entre comunidades, autoridades municipa
Preséntase a Fase II do proxecto B'an Chuinkal que foi financiado pola Xunta de Galicia e executado durante o último trimestre do ano 2014. O obxectivo do proxecto é a mellora das condicións de acceso a un hábitat domiciliar saudable da poboación máis vulnerable do departamento de Retalhueu, Guatemala, con énfase nas mulleres viúvas ou solteiras, a través dun proceso colaborativo entre comunidades, autoridades municipais, organizacións sociais e cooperativas.
-
Rede Solidaria da Mocidade: cidadanía global, empoderamento e participación para o cambio social dos grupos solidarios no curso 2015-2016
Con este proxecto, Entreculturas da continuidade ás accións do programa de educación para a solidariedade e a cidadanía global e de participación xuvenil Rede Solidaria da Mocidade (RSM) (Red Solidaria de Jóvenes). Este programa ofrece ás comunidades educativas unha estrutura estable de participación, que facilita procesos de capacitación e empoderamento que incrementan as habilidades participativas, de compromiso social e cidadanía activa dos mozos e mozas galegos nos seus centros de ensino.
-
Mellora da calidade educativa con pertinencia cultural e de xénero, para a garantía dos dereitos da nenez e a xuventude de El Rosario, Municipio de Champerico. Guatemala.
O obxectivo do presente proxecto é mellorar a calidade educativa con pertinencia cultural e de xénero da formación da nenez e xuventude do Municipio de Champerico, Departamento de Retalhuleu (Costa Sur guatemalteca) mediante a creación de condicións adecuadas para que o estudantado poda desenrolar da mellor forma posible o seu traballo escolar.
-
Reconstrución e melloramento do sistema de auga potable da aldea Santa Rita do municipio de San Antonio Sacatepéquez, San Marcos. Guatemala.
O proxecto forma parte dun conxunto de accións derivadas do Plan de Desenvolvemento Municipal de San Antonio Sacatepéquez, así como dos plans de emerxencia e reconstrución xurdidos nas comunidades a raíz dos terremotos do 2012 e 2014. O proxecto intervén segundo tres eixes de acción: garantindo o acceso e a dispoñibilidade de auga potable mellorando a infraestrutura dispoñible; mellorando os hábitos de hixiene, saúde e uso dos recursos hídricos e fortalecendo o comité de auga comunitario e do servizo municipal competente.
-
Investigando a dimensión global da educación para o desenvolvemento. Un proxecto piloto de investigación - acción colaborativa nun centro educativo de Galicia. Fase I
Con este proxecto Solidariedade Internacional de Galicia, en asociación coa Universidade da Coruña, pretende incidir na dimensión de investigación da ED. Para facelo, realizará unha investigación cualitativa baseada na metodoloxía da investigación-acción colaborativa. Este proxecto realizarase en dúas fases, sendo o tempo de execución do proxecto de 15 meses. No ano 2015, realizarase a primeira fase do proxecto, que responde ao análise sobre como introducir a dimensión global da ED de xeito transversal nun centro educativo galego.
-
Promoción da Saúde Integral de nenos e nenas de 0 a 5 anos con énfase na prevención e abordaxe da desnutrición en Zelaya Central, Nicaragua.
O proxecto pretende mellorar a saúde e nutrición infantil mellorando a prevención de enfermidades comúns que neste contexto de pobreza se converten en enfermidades agresivas que impiden o seu adecuado crecemento e desenvolvemento e ás veces son letais.
-
Mellora da desinfección solar da auga de bebida (método SODIS) mediante a adición de peróxido de hidróxeno a augas ferruxinosas naturais. Avaliación fronte a Cryptosporidium
O obxectivo 7 de Desenvolvemento do Milenio proposto pola ONU no ano 2000 é “garantir a sustentabilidade do medioambiente”. Concretamente, a Meta 7C (reducir á metade, para o ano 2015 a porcentaxe de persoas que carezan de acceso sustentable a auga potable e a servizos básicos de saneamento) conseguiuse no ano 2012. Con todo, segundo datos da OMS, 5.748 millóns de persoas seguen utilizando fontes non melloradas de auga potable.
-
Cultura da sostibilidade e cooperación ao desenvolvemento: realidades e perspectivas educativas en Galicia e R. Dominicana.
A construción dunha cultura da sustentabilidade que avoga pola defensa do medioambiente, a limitación dos problemas ambientais e a asunción dun modelo de vida alternativo menos nocivo para a contorna, está ligada á sensibilidade, actitudes e formación ambiental do estudantado e profesorado nos centros educativos, cuxos axentes en Galicia e República Dominicana teñen escasa formación e conciencia do que supón o desenvolvemento dunha cultura cooperativa e da sustentabilidade.
-
Estudo do PDOT da zona 6 de planificación en Ecuador: aprendendo leccións para a cooperación internacional.
A tese do proxecto é que os problemas ambientais, de vivenda, de servizos insuficientes, de dependencia económica, etc. son problemas territoriais. Por tanto, a xeración de coñecemento en Ordenación Territorial (OT) é unha maneira eficaz de enfrontarse a eles e resolvelos.
Ecuador está a tratar de facer fronte a estas problemáticas con políticas de OT, polo que representa un campo de estudo para facer investigación sobre novos paradigmas de cooperación internacional para o desenvolvemento. -
Análise de mapas de inundación e redución de desastres nas concas hidrográficas internas de Cabo Delgado (Mozambique). Caracterización e fortalecemento institucional en ARA Norte.
As concas dos ríos Messalo, Montepuez e Megaruma sofren continuas crecidas nas épocas de choiva, con desastrosas consecuencias para a vida das persoas e os seus bens nos Distritos próximos. Por tanto, o coñecemento detallado dos mapas de inundacións en diferentes escenarios hidrolóxicos é fundamental para a protección da poboación, a xestión dos recursos hídricos e o desenvolvemento de sistemas de alertas temperás SAT (EAS-early warning systems) por parte das institucións públicas.
- « primeira
- ‹ anterior
- …
- 66
- 67
- 68
- 69
- 70
- 71
- 72
- 73
- 74
- …
- seguinte ›
- última »