Proxectos

O presente proxecto pretende ser un Plan de fortalecemento institucional, sensibilización social e comunicación do Fondo Galego durante o 2014 (Plan 2014). As actividades que se engloban no Plan 2014, son continuadoras do traballo histórico desenvolvido na área de sensibilización entre o Fondo e a Xunta nos últimos 13 anos e especificamente das formulacións de convenios de 2010, 2011 e 2012.

O presente proxecto constitúese como a II edición dunha iniciativa que conta con dúas características diferenciais que condicionarán cada unha das fases e elementos que o compoñen; dunha banda, o feito de formar parte do “Plan Proxecta” da Consellería de Educación da Xunta de Galicia, doutra o feito de aspirar a ser un proxecto colectivo e participado polo maior número posible de entidades e colectivos galegos con experiencia no eido da EpD. Ambos feitos inciden directamente no obxecto, contidos e metodoloxía do mesmo.

Este proxecto constitúe a continuación, a fase II, do proxecto financiado pola Xunta de Galicia na convocatoria 2012 denominado “Fortalecemento das capacidades técnicas da administración rexional responsable do recurso hídrico “ARA-Norte” no ámbito dos Sistemas de Información Xeográfica e da Hidroxeoloxía” en Mozambique (SIXHIARA). Nesta fase II pretendese dar continuidade o traballo realizado para empoderar o ARA-Norte das ferramentas e os estudios realizados na fase I.

O obxectivo deste proxecto é promover o compromiso coa defensa dos DD.HH, o Dereito á Saúde e a Igualdade de Xénero, crítica coas causas que provocan as desigualdades e activista para conseguir un cambio social na cidadanía galega a través do fortalecemento da base social de Médicos do Mundo en Galicia. Para isto fortalecerase a área de mobilización e educación a través da mellora da xestión, a formación e a participación da base social.